Nòdès- BSAP : èske yo pral kraze BSAP vre, oubyen yo pral mete pi bon strikti ladanl?
*Pa redaksyon RSR-FM*
San dout nou kapab di klèman BSAP se: Brigade de Sécurité des Aires Protégées (BSAP) qui est une direction opérationnelle de l'ANAP en matière de surveillance environnementale des unités d'aires protégées et des sites écologiques en Haiti.
Sa vle di : se yonn nan enstitisyon etatik ki parèt kòm eleman endispansab pou anviwonnman an,
Men, se pa yon sekrè pou pèson kote se yonn nan bwat ki pa vrèman genyen yon bon strikti an matyè sekirite, sa ki koz popilasyon an pa gen konfyans nan yon seri Ajan ki rekrite vagman, kote se afè pa yo yap regle ak gwo zam de gwo kalib !
Pou rezon sa yo, Dwayen tribinal pakè Fòlibète a Mr Brutus Michel te tou enfòme Delege Moïse Ke li ta renmen konn wòl BSAP nan nòdès, suit a sa e lòt rezon administratif Delege depatmantal la Mr Moïse CHARLES PIERRE te oblije sevèman reyalize yon gwo rankont desizyonèl ak rèsponsab BSAP yo nan nòdès.
E selon Direktè BSAP la, Mr Camiel Samson kote genyen yon pakèt sitwayen nan depatman an trè presizeman nan komin Wanament ki gen badj enstitisyon an ki pa trouve yo anndan sistèm BSAP la vre, e gen yon pòsyon ajan ki pote gwo zam andeyò de enstitisyon an pou fè djòb pou patron yo, e menm menase pou kinnape elèv li trè byen to. Yon lòt bò Mr Mislet Jean- Pierre ki se yonn nan rèsponsab deklare vrè ajan BSAP yo genyen yon badje ak yon kat resan ki diw elijib kòm ajan. Nan ka kontrè anba kòd !
*Rèsponsab yo deklare :*
- Ajan ki abiye an inifòm san òd rèsponsab yo, dwe anba kòd.
-Ajan kap pote zam san li pa anrejistre sou sistèm enstitisyon an, dwe Anba kòd.
-Ajan kap itilize enfliyans enstitisyon an pou yap produi zak malonèt yo, dwe anba kòd.
-Ajan ki gen fo kat BSAP yo e sitou ki pa gen 2em ti kat la, dwe anba kòd.
Pandan ke Rèsponsab yo yon lòt bò ap mande bonjan rèspè pou tout ajan legal BSAP yo pou travay la ka pi efikas pou anviwonnman an oprofi tout moun alawonnbabè.
Commentaires
Enregistrer un commentaire