Ayiti- mach evanjelik : èske lapriyè ka transfòme resous natirèl yo an bezwen fondamantal pou yon pèp kapab fonksyone tankou Moun reyèlman ?

Ayiti- mach evanjelik :  èske lapriyè ka transfòme resous natirèl yo an bezwen fondamantal pou yon pèp kapab fonksyone tankou Moun reyèlman ? 

*Socrate CADOR, Jounalis Ekilib.* 

Ayisyen ki enstui san edike se yon malè pandye pou peyi dayiti, se sak fè,  gen anpil nan yo se èsklav mantal, men pou Ayisyen ki edike ki byen konn istwa peyil, ki konn byen kilti peyil, ki konn byen valè peyil ak valè chak grenn patriyòt Ayisyen ap toujou boude tout nèg kap ede oksidan antere nou plis nan pòvrete ak soumisyon èsklavaj, relijyon, CIA, manipilasyon elatriye.

Bib la reyèl, Jezi reyèl, kreyatè inivè a reyèl, men Bib  falsifye blan enpòte nan peyi nwa yo pou toujou kaptire yo nan èsklavay, soumisyon a swadizan mèt, pòvrete, priye 24/24,  divizyon, relijyon pam pi bon, yon Bib ki pa vle rekonèt leta, lidè, politik, travay, Moun rich, yon Bib ki pa kite èspas pou aprann metye manyèl, yon Bib fèw rete nan reziyasyon, pitow lèd pase kochon men Ou rete Vivan pi mal ke chen ! 

Sa vle di legliz bezwen lidè pouki al chèche vrè Bib la oubyen pou konpreyansyon lesentèspri desann sou yo, pou yo kapab souliye bon kèk vèsè nan Bib la ki pa Biblik e evanjelik. ( ex :  wayòm syèl la se pou pòv) lap pi fasil pou yon chamo pase nan yon zye egiy ke yon nonm rich antre nan wayòm syèl la, Lollllll.

Meditasyon se pi gwo devwa ou te ka aplike pou jwenn vrè protèksyon ak benediksyon pou toujou rete puisan devan èdmi an, men meditasyon pap Vin transfòme lanati pou nou an bezwen nesesè, tankou stabilite politik, Edikasyon Sivik, valè etik, devlòpman ekonomik, aksè nan mache mondyal yo, devlòpman dirab, inovasyon, enfrastrikti, lekòl teknolojik, lopital, enèji, alimantasyon ekilibre, dlo trete, vètman, teknoloji astral ak soumaren poum site sa yo sèlman.

Finalman, aprè oksidan fin ban nou yon pakèt relijyon nan Objèktif pou nou toujou nan divizyon e toujou rete nan sistèm zonbifikasyon ak yon pakèt misyon programe pou kraze ekonomik peyi a e enpeche nou ini nou pou nou devlope peyi nou.

Koulye a Mr Gregory TOUSSAINT  vin kontinye fè travay mèt li kòm swadizan Sitwayen Ameriken ! 

Kesyon map poze, pouki rezon Mr Gregory pat enplante yon gwo lekòl profesyonèl nan peyi a ak menm mayo  Orijinal sa yo, pouki rezon se sèlman legliz lap mache enplante toujou nan peyi a, èske chak Ayisyen ap bezwen yon legliz, pandan setan li konnen gen zòn timoun poko gen chans al lekòl, èske li pa konn wè Fr Luckson sou intenet la ?  Èske kòb sa yo pat ka fè inifòm pou timoun 15ane ki poko jwenn chans frekante lekòl ? Èsklav mantal yo pral reponn konsa, èske Mr Gregory se leta ?  

Fè mesaj la jwenn Mr Bishop Gregory, poul vin batay nan kan Ayisyen an, kan blan an pap itil peyi a anyen davantaj !