SEA= sistèm edikasyon Ayisyèn* _SEA gen kòm finalite pou aprann e tranfòme yon siyoyen Ayisyen moral, vètye e konpetan, ki pral priyorize Ayiti ak tout Ayisyen e ki pral transfòme tout konpetans enstriktif yo an 3 gran bezwen kote li pap gen problèm dlo, enèji, nouriti natirèl, wout elatriye_

*SEA= sistèm edikasyon Ayisyèn* 

 _SEA gen kòm  finalite pou aprann e tranfòme  yon siyoyen Ayisyen moral, vètye e konpetan, ki pral priyorize Ayiti ak  tout Ayisyen e ki pral transfòme tout konpetans enstriktif yo an 3 gran bezwen kote li pap gen problèm dlo, enèji, nouriti natirèl, wout elatriye_ 

Alò kòm mwen wè leta Ayisyen poko vle komanse ak edikasyon Ayisyèn nan, kòm mwen wè pèp la chwazi mouri nan èsklav kote pitit pèp la toujou ap vale edikasyon pèpè Oksidan ak vatikan an te ban nou depi nan epòk 1400 yo sa ki vin bay yon pakèt Otorite konwonpi, yon paran demisyone yon jenès deprave san èspwa, yon Ayiti izole, yon kolon vin plis anrichi.

Ebyen, sa fè bon kèk ane mwen pa èsklav mantal kolon an ankò, se yonn nan rezon map batay pou pitit mwen pa  aprann lang fransè pou metye manyèl, pa aprann anglè pou avni, pitit mwen pap bay nèg ki pale lang kolonyal la anpil plis valè ke yon chirijyen, yon Agronòm, yon enjenyè, yon Sikològ poum site sa yo sèlman, pitit mwen pap jwe wòl CIA pou kolon poul vin dage pwòp tèt li ak frè sè parèy li pou ti enterè mesken, e ni pitit mwen pap janm li nan liv F.I.C  ki pral aprann li manman mari egoyis, èklav avi, tchoul, rèstavèk, mikròb pa touye Ayisyen, pa travay elatriye.

 pitit mwen pap li nan liv timalis yo, pitit mwen pap pran gawòt ak pinisyon pou li aprann alfabèt lang kolonyal la se alfabèt kreyòl la ke mwen komanse mete nan tèt li, pitit mwen pa bezwen bous pou al etidye nan inivèsite kolon an, Ayiti gen richès poul gen gro inivèsite tou, pitit mwen pap janm bay viza kolon an plis enpòtans ke kat idantite li. Pitit mwen pap fanatik ni Brezil ni Ajantin se Ayiti dabò, pitit mwen pa pral fè 14 zan lekòl fèmen de 7h pou rive 4h pm san metye profesyonèl, san fòmasyon sivik/ moral, san biznis  ak bousòl lavi a ki se Bib ki gen ladanl benediksyon, protèksyon, lanmou ak richès e poul kiltive 4 pilye sa yo nan Bib la, se priye e travay dabò.

Pitit mwen sipoze okipe nan nivo pam, men pitit mwen pap jwi privilèj ke map jui nan laj mwen li sipoze jui privilèj selon laj li sa vle di me lè poul dòmi, me lè poul x e y elatriye,

Map raple tout paran Ayisyen yo se pa gro gro lekòl ki pral fè timoun ou an moun, men se edikasyon Ou pral Bay pitit Ou a ak rèsponsabilte e angajman ou pran anvè timoun nan, gro lekòl, ti lekòl se nan matematik, chimi, fizik, filozofi, syans natirèl elatriye pitit Ou a pral  byen devlope enstriktivman si posib.

Pitit mwen an pral priyorize LaBib, lanati, kilti ak teknoloji ki pral vini an dènye pozisyon. Malchans pou yon seri de moun ki redui kilti peyim an vodou! 

Pitit mwen an ap konnen poul di bonjou, svp, padon, eskizem, mwen antò, nou se Nwa, nou se moralis. E li pap janm repete pitit se byen malere, depi pitit la fèt lap viv, mikròb pa touye Ayisyen, ou pa mnm blan wap mete chosèt blan, wap pran pòz ou pwòp tankou se blan ou ye, pito mwen lèd mwen la, randevou lè blan ak yon pakèt lòt gagòt toujou.

Koman Ou santiw ki fè tout sakrifis mete yon ti moun sou tè a pui ou remèt kolon sèvol poul mete fòmasyon èsklav ak antinwa  ladanl ?  

 *Sèlman nwa kap ka libere nwa nan tout sans ! 💪💪*

Le Socrate_____________