Ayiti/revolisyon: Aprè etazini, kanada, lafrans, angletè, pòtigal, vatikan, almay, èspay ak lòd èdmi nou yo fin mete nou nan èsklavaj e ranmase tout min kuiv, boxit, lò, lirinyòm ak plizyè kawo tè poum site sa yo sèlman, kote yap vin fè sanblan ke yap ede nou ak yon pakèt ONG kap souse ti pèp la nan chanb fè nwa ! èske yo pap remèt nou richès sa yo ak 21 milya 685 milyon 135 mil 571 dola ak 48 santim kòb endepandans nou an?

Ayiti/revolisyon: Aprè etazini, kanada, lafrans, angletè, pòtigal, vatikan, almay, èspay ak lòd èdmi nou yo fin mete nou nan èsklavaj e ranmase tout min kuiv, boxit, lò, lirinyòm ak plizyè kawo tè poum site sa yo sèlman, kote yap vin fè sanblan ke  yap ede nou ak yon pakèt ONG kap souse ti pèp la nan chanb fè nwa !  èske yo pap remèt nou richès sa yo ak  21 milya 685 milyon 135 mil 571 dola  ak 48 santim kòb endepandans nou an?

 *Socrate CADOR, Jounalis Ekilib.* 

Èske tout  Ayisyen kap : 

 Dòmi nan lari yo, kap pase mizè sendomeng yo, inivèsitè ak profesyonèl  kap pase mizè yo, peyizan tè yo fin depafini yo, adolesan kap ansent nan lari a, jenès la ki san èspwa,  Otorite Ayisyèn yap imilye yo, fanmiy moun ki mouri anba kolera ak kowonaviris yo, kòb taks konpayi etranje yo pran nan men nou, kòb yo ramase nan men nou nan dwàn yo, kòb viza ak paspò nap peye 10 fwa lavalè yo elatriye pap sanksyone peyi sa yo?

1- nan dat 4 desanm 1492 èspanyòl yo te vin mete nou nan èsklavaj e volè plizyè tòn lò nou, 400 mil kilo lò ki evalye a 16 milya ero jouk rive  nan ane 1697,  nan ane 1625 yo lafrans  vin montre espanyòl yo koman yon mèt dwe aji ak yon èsklav nan mare nou anndan yon sak tou vivan pui lage nou nan lanmè, nan simante tout kò nou kote se sèlman bout tèt nou ki rete deyò e vide siwo myèl pou se foumi ki touye nou, koupe zòrèy, pye, men nou, tanpe nou, tire nou, anchène nou, bay nou gro kout raso, peze lang nou ak pens, vyole medam nou yo, fè nou travay san manje,  kote yo ta arive tire profi plis pase 214 milya fran mete siu tout abi sa yo,  an 1857 Etazini vole bout tè nou kise lanavaz,  e 17 avril 1725 Charles X te bay òdonans an frans pou nou peye 150 milyon fran ak enterè = 30 milyon dola ameriken pou paske yo tap maltrete nou konsa, e pou lafrans peye 50 %  taks sèlman nan tout komès Ayiti ak yo, sa ki te rann gouvènman Ayisyen an te oblije koupe bwa e monte taks sou ti malere yo pou te komanse peye kòb swadizan dèt sa,  an 1915 ameriken ranmase depi se richès peyi ak tout sòt de maltrètman, yon profi de 70 %  expotasyon, 17 desanm 1914 ameriken vin pran rezèv lò nou pou yal stoke yo nan city bank ozetazini, an 1997 yo, 1941 pou rive 1943 ameriken pran tè plis pase 250 000 peyizan e koupe tout pye bwa pen nou san fè anyen kòm movèz fwa, an 1944 ameriken vini ak yon konpayi ki rele Raynolds  Meyals Company kote yo exployte yon min boxit nan payann ki tou prè miragoàn, an 1957 ameriken pran plis pase 150 mil ekta tè peyizan yo san kondisyon, yo ramase plis pase 13 milyon tòn boxit nou pou ale ak yo ozetazini nan lakou texas e yo kraze miotri an moulen Dayiti( agro procesdor Holding) rapidman yo transfomel an CINA an 1990 kote menm prezidan peyi a se nan men yo pou lal achte ti siman, an 2010 ameriken kraze TELEKO pou natcom ak digicel, vatikan kontinye souse peyi a ak 18 atik ki anndan konkòda a ki siyen avi kote tout richès peyi a chak ane ale nan bank awòm, angletè ramase 45 trilyon  dola nan peyi nwa yo , lafrans 2436 tòn lò, itali 2451 tòn lò, FMI 2814 tòn lò, almay 3359 tòn lò, etazini 8133, 5 tòn lò, an 1955 kanada antre kòl nan peyi a ak yon konpayi ki rele SEDREN kole nan 12 zan  li ramase plis pase 1, 5 milyon tòn kuiv  nan gonayiv ki evalye a 83 milyon dola nan epòk epòk la banm fè yon ti kanpe la pou tèt nou pa eklate.

Pouki rezon  Oksidan toujou anfas tout patriyòt yo nan elèksyon pou yo envèsti nan  yon senp antreprè, mizisyen,  pè kòm prezidan, sèlsam konnen se sèl nwa kap ka libere  nwa. 

Nou gen libètinaj pou nou trenen ti Pèp la nan deriv men, nou pa gen libète pou nou retire pèp la nan sal ye a, finalman eske nou lib? 

 *SEA=* sistèm edikasyon Ayisyèn.

Bòn ane 2023 e bon konba kont tout ènmi nou. Viv Ayiti, Viv tout nwa.

 *Socrate ekib enfo*