Ayiti/ koripsyon-diyite tranpò* *skolè* : eske Pierre Richard PHILISTIN ap kite bis Diyite skolè yo fin kraze nan kwen pou sèlman luil ak batri e sitou pou yo peye tout anploye provens yo menm jan yo sot peye anploye kap viv nan repiblik powoprens yo, pandan setan rès kòb la sou sistèm, pui nèg yo ap prepare rapò kòmkwa yo fin peye tout anploye, kou sa pap pase paske 32 mwa san touche pa 32 segong!!!

*Ayiti/ koripsyon-diyite tranpò* *skolè* :  eske Pierre Richard PHILISTIN  ap kite bis Diyite skolè  yo fin kraze nan kwen pou sèlman luil ak batri e sitou pou yo peye tout anploye provens yo menm jan yo sot peye anploye kap viv nan repiblik powoprens yo, pandan setan rès kòb la sou sistèm, pui nèg yo ap prepare rapò kòmkwa yo fin peye tout anploye, kou sa pap pase paske 32 mwa san touche pa 32 segong!!! 

*Socrate CADOR, Journaliste d'équilibre.* 

Depi avoka pòch la (André Michel de SDP) fin mete Pierre Richard FILISTIN nan tèt konpayi diyite tranpò skolè a, yo sèlman te mande tout anplwaye Konpayi an pou yo voye kat idantifikasyon nasyonal yo ak kopi matrikil fiskal yo bay biwo Santral, alò depi menm kote yo fin resevwa tout pyès sa yo, ke yo pa janm di anploye yo anyen, sèlman chak mwa yo fè yon Rapò voye nan ministè finans pou montre yo peye tout moun nan Vil provens yo. Kèl krim ! 

Men, se yon kòb kap manje an klik e ak nèg ki anfas yo tankou :  

Yo peye pèsonèl biwo santral yo ak kèk anploye sendika pou pe bouch yo e depi yonn di krik yo revoke moun sa otomatikman.

peye Chimè pou si yon anplwaye ta vin revandike dwa li pou Chimè yo bat anploye a oubyen tire sou gwoup anploye yo ki ta vle manifèste mekontantman yo

N.B: gwo bandi Ti Gabriel ak chef gang G-9 Isca yo chak gen gwo Magogo lajan kal jwenn chak mwa konsekitiv, pandan anploye yo pa ka touche depi anpil mwa e gen anploye se sèl espwa konpayi an yo genyen.

Sa ki pi rèd la  anpil bis diyite ki nan provens anpàn pou sèlman batri, jete luil mete luil, pandan setan chak ane finans debloke kòb pou yo repare tout bis yo, kot kòb sa yo ? San dout bis sa yo trouve yo nan zòn ba lenbe, pilat, pomago, plezans,  obòy, nan nòdès se pa pale. Alò jou Pierre Richard retire biro diyite a nan Otèl kote lap dòmi an koz li pa janm al nan biro pou tande doleyans moun provens yo ki nan 32 mwa san touche, alabon sa ap bon?  

Leta ap mande pou lekòl louvri kote galon gaz 4000 goud, taxi tèt nèg, majorite bis diyite anpàn, anploye nan 32 mwa pa touche, profesè rozabwa ak to enflasyon ki monte tèt chaje, paran pa ka mete inifòm menm nan kouti, tout wout bloke ak kinnapè, vòl, vyòl chak jou, lekòl prive yo pa sibvansyone, profesè leta kap fè kòve depi lontan pa gen lèt nominasyon, e sa ki gen lèt pa janm touche, aryere menm pa janm tonbe, bank fèmen, mezon transfè yo femen, kès pa prete ti malere kòb ankò. Tout moun sou strès, kolera tounen pi rèd pou fini ak sante pèp la, fòk Direktè lekòl prive e leta gen kòb nan men yo pou yon lòt preparasyon, sa ki plis problèm nan grangou a fè tout inifom kite fin koud tro piti pou mèt yo.🤷‍♂️🚨

Tout anploye viktim de konpayi diyite transpò skolè yo mande *ULCC - UCLEF -* *CSC/CA* pou vin fè yon Odit prese prese nan konpayi an.

 *Socrate infos plus*