*Gonayiv/ manifestasyon: pen- modifye, popilasyon an ap rele libète ou lanmò, paske pitit pèp la pa kapab ankò.*

*Gonayiv/ manifestasyon:  pen- modifye, popilasyon an ap rele libète ou lanmò, paske pitit pèp la pa kapab ankò.*

 *Socrate CADOR,* Jounalis dekilib. __Être ou n' être pas_.💪

Demen sDv kap 7 jwen 2022 a 10 zè nan maten, nan vil gonayiv lidè prensipal pèp Ayisyen an, ki se senatè *Youri LATORTUE* mete ak sosyete sivil la, baz yo, asosiyasyon fanm ak gason, peyizan yo, ti machann yo, an antrepenè yo, taximan, protestan, katolik, vodouyizan, elèv, etidyan, jèn sant vil yo mete ak  Sila yo ki san sekou nan bidonvil yo ak tout rès ekip pozitiv ki konpoze sosyete a, pral leve vwa yo byen wo e souke beton an pou mande mouche le non a : 

1- lavi chè

2- lensekirite

3- problèm wout

4- kinnaping

6- vyòl

7- vòl

8-  lekòl rabòday

9- a prodiksyon enpòte

10-  blakawout 

11- ensalibrite

12- enjistis

13- koripsyon, elatriye. ...

Ebyen, pou tout rezon sa yo, popilasyon an deklare se pa sèl vil gonayiv pouki leve kanpe, men se tout lòt komin ak seksyon yo pouki  mobilize  jiskaske desizyon chita pale ak  tout  group strikiti politik yo aplike, pou kapab komanse genyen  yon amelyorasyon progrè nan tout peyi a, men se pa desizyon inik minis defakto Aryèl Henry pouki aplike pou satisfè gwoup mèt li yo sou do pèp la.

Lèw reflechi  komanw ta sipoze viv tankou moun, e koman lajan peyi a kontinye ap gaspiye mal, konsyans ak bon sans  ou dwe revoltew pou pa priyorize ti enterè mesken, jis pou  vin pile beton an ak tout militan e Ayisyen konsekan kap batay pou chanjman dirab la! 

Demen sDv 10 zè boul se priyoritè nou tout alawonnbadè pou gran rasanbleman sa nan vil gonayiv, sou plas Dam nan. ansanm nou fò, viktwa se pou pèp la🤝

 *Nou se senatè Youri LATORTUE, nou se AAA* *nou pou pèp Ayisyen* 

 _Nou pap bay vag._ 💪

 *Socrate infos plus.*